Primo giorno in Italia

Comezamos o día coñecendo o instituto italiano: as súas instalacións, profesorado e a organización do sistema educativo italiano. 

A directora do instituto recibiunos subliñando a importancia do encontro entre culturas en Europa nos tempos que corren. Tamén fixo fincapé en que con estas experiencias, dentro do programa Erasmus+, estamos construíndo o camiño da paz das novas xeracións. 

Ao rematar a visita, fomos a casa do Concello onde nos recibiu a alcaldesa de Acquapendente. Ela explicounos como o covid afectou á vida social, a problemática do rural e vimos que os motores económicos da vila son moi semellantes aos da nosa. 

Logo visitamos a escola de primaria, unha experiencia moi gratificante onde o alumnado nos acolleu con moita curiosidade. 🏫

Tras esta visita puxemos rumbo ao instituto para xantar todos xuntos. Ao rematar, regresamos ao centro da vila para facer unha visita guiada. 🚶‍♀️🚶

O convento e a igrexa de San Francesco, a torre de Barbarossa e rematamos no Duomo (catedral) adentrándonos nunha cripta coa copia do Santo Sepulcro de Jerusalem máis antiga de toda Europa (S. XII) axudándonos a comprender mellor a historia da vila. 

💬 No 1166, dous labregos estaban descansando debaixo dunha cerdeira que xa estaba seca. Lamentábanse polo exceso de pago de impostos ao gobernador. Un dixo: Antes florece esta cerdeira que se solucionan os nosos problemas. Entón a cerdeira floreceu. Os labregos correron ata a vila para avisar do milagre e o pobo sacou forzas para sublevarse contra o gobernador. E con este suceso, decidiron crear uns estatutos que din que nunca volverán a ser gobernados por alguén que non elixisen eles.

Nesta historia, mestúrase relixión, política e folclore; porque na cerdeira apareceu unha imaxe da virxe "Madonna del Fiore". Con motivo deste acontecemento, cada ano se elaboran "pugnaloni", mosaicos de flores e follas, que se lle ofrecen a virxe na praza da catedral.

Ciao, a domani!

Arriviamo a Acquapendente

Comezamos o primeiro día de mobilidade! Pola mañá chegamos a Oporto e collimos un avión rumbo a Italia ✈️

Pola tarde recibíannos as familias e alumnado do Istituto Leonardo da Vinci e acompañáronnos a desfrutar dunha tarde soleada e dun gelato riquísimo.  🍦

A domani!! 👋🏼

Ready for Acquapendente

  Xa temos o programa de actividades!!

STEMBRIDGE: Bridging Cultures no Chivite chega ao seu fin.

Hoxe, sábado, dicimos adeus aos nosos compañeiros e compañeiras italianos que compartiron con nós esta semana en Verín e moitos momentos innolvidables.

Chega ao seu fin esta mobilidade STEMBRIDGE: Bridging Cultures, un intercambio moi enriquecedor a nivel académico e, sobretodo, humán. 

Queremos agradecer profundamente ás familias que acolleron aos 6 alumnos/as italianos/as cos brazos abertos. Gracias polas vosa xenerosidade e hospitalidade! Sodes parte esencial para que esta experiencia Erasmus fora tan especial.

A vós, Emmanuel, Jacopo, Greta, Caterina, Anna, Sofía, Tamara e Darío desexámosvos o mellor... Non é un adeus se non un ata logo! Sen dúbida, esta semana compartindo culturas, construíndo pontes e aprendendo xuntos foi incríble. 

Grazie mille a tutti per aver condiviso con noi questa incredibile esperienza! Arrivedervi e a presto!

5th DAY: A day of creativity and tradition

 Último día no instituto 

Hoxe vivimos o quinto día dunha experiencia única xunto cos compañeiros italianos, no que puideron coñecer mellor a cultura galega. A xornada comezou cun obradoiro de música e baile tradicional galego, onde aprenderon algúns pasos das muiñeiras e descubriron os sons de instrumentos típicos como a pandeireta.

Despois, realizamos o Concurso de Melodías, onde os participantes, coa caixiña musical e as melodías que elaboraron o luns, tiñan que adiviñar a canción. Italianos e españois uniron os seus coñecementos para identificar cancións populares de ambos paises.

Tamén realizmos un taller de chapas personalizadas onde deseñaron o seu recordo de Verín e experimentaron todo o proceso para elaboralas.

Para rematar a mañá, fixemos unha visita especial á radio do centro, onde tiveron a oportunidade de realizar unha entrevista na que falaron da súa experiencia na mobilidade do Erasmus+, compartindo o que máis lles gustou desta experiencia. 

Rematamos o día cunha cea de despedida para o profesorado acompañante do Liceo Leonardo Da Vinci, unha cea que nos serviu para compartir e reflexionar sobre as experiencias no Erasmus+. Foi un auténtico pracer!

4th DAY: Innovación, localización, tradición e excursión.

 

Ciaao! Quarto giorno di mobilità.

Innovación: Comezamos a mañá en Chivixogos, coa actividade Programming Robots, onde o alumnado experimentará e descubrirá o funcionamento destes dispositivos.

Localización: Despois deste obradoiro, pasamos ao Interactive 3D Mapmaking. Nesta actividade, empregrarán mapas de Italia e de España para localizar, grazas ao traballo en equipo, diferentes lugares e accidentes xeográficos de ambos países. Tamén participaron nun concurso de xeografía onde aplicaron todos os seus coñementos para acertar as preguntas.

                  

Tradición: Popular Games Workshop foi a seguinte actividade desenvolta no pabillón do instituto. O alumnado xogou a diferentes xogos traicionais.

Excursión: Pola tarde, fixemos unha excursión ata o Castelo de Monterrei onde nos esperaba unha visita guiada. Unha tarde moi divertida e na que aprendemos moitas curiosidades sobre o castelo. 

3rd STOP: Mergullámonos en Ourense, capital termal.

 O alumnado e profesorado italiano mergúllase na cultura galega cunha visita á cidade de Ourense.  🎒🚌🛀

Así comeza o terceiro día da mobilidade do Liceo Leonardo Da Vinci de Acquapendente no IES Xesús Taboada Chivite, cunha excursión a Ourense.

Parada obrigatoria: as termas de Outariz, onde tivemos un momento de relaxación ao carón do Miño. 🛀 Tamén fixemos unha ruta guiada pola cidade, onde visitamos varios puntos de interese como a Catedral, o Concello e as famosas Burgas. 

E, pola tarde, o profesorado italiano compartiu formación co profesorado do centro sobre o uso da cortadora láser e a creación de contidos didácticos.

2nd day: Explorando o mundo STEM co alumnado Italiano.

Buongiorno! ⛅

Comezamos o martes coa actividade Building Blocks Challenge na sala de Chivixogos, onde grazas ao traballo colaborativo e en equipo, fixemos construccións con diferentes materiais. 

Despois dun descanso e tempo libre, o alumnado e profesorado italiano visitou á radio da biblioteca. 

Realizamos o Radio Workshop 🎙️exploramos o funcionamento da radio mentres gravamos o programa Vaiche Boa! no que, semanalmente, colaboramos co Centro Ocupacional de Verín. 

Que experiencia tan enriquecedora! Os usuarios do Centro Ocupacional foron os entrevistadores e os profes de Acquapendente os grandes convidados desta semana ao programa. 🎧🥰

Pola tarde, o alumnado italiano aproveitou para coñecer mellor e pasar tempo co alumnado e as familias que os reciben. 

See you tomorrow 👋

1st day: o liceo italiano Leonardo Da Vinci coñece o Chivite

Chegou o día! 

Dende o IES Xesús Taboada Chivite de Verín dámoslles a benvida aos nosos invitados recén chegados de Acquapendente (Italia). 

Comezamos cunha benvida oficial e cunha actividade de presentación para romper o xeo empregando as cartas do Dixit.

Despois, fixemos un tour polo instituto tendo aos mellores guías, o alumnado de 4ºESO foi o encargado de presentar as instalacións. Parada obrigatoria: A radio da biblioteca!

Para descansar e repoñer forzas, disfrutamos dunha deliciosa merenda na Sala Dual.

Crearon as súas propias melodías para as caixas musicais coa actividade Melody Box 🎵 no salón de actos.

Despois, fixemos unha visita ao concello de Verín, onde lles deron aos nosos invitados a benvida á vila de Verín.

Parada para comer na cafetería do instituto para despois desfrutar dunha entretida clase de inglés.

E rematamos a xornada! Ata mañá  👋

STEMBRIDGE: Bridging Cultures with STEM, 3, 2, 1...

THE COUNTDOWN BEGINS!

Xa temos todo listo para acoller ao alumnado do Liceo Leonardo Da Vinci de Acquapendente (Italia).

O liceo italiano visitaranos durante a semana do 10 ao 15 de febreiro. Este será o noso planning de actividades: