See you soon!

  E así chegamos a o día da despedida. Non é un adeus, só un ata logo. See you in May!!

Último día!

 Chegou o venres e con el o último día da mobilidade dos nosos compañeiros franceses.

Pola mañá comezamos con actividades deportivas e logo unha serie de xogos en inglés. 

Fixemos tamén unha escape room sobre o libro francés do Principiño, a cal nos encantou.

Despois do recreo tocou sesión de cine e desfrutamos duns flocos de millo mentres vimos a película de Campeones. 

Pola tarde, non tivemos ningunha actividade programada pero aproveitamos para pasar as últimas horas cos nosos novos amigos!

O sábado pola mañá, porán rumbo a Francia. Vémonos pronto!!

Día 3 da mobilidade francesa

O día comezou hoxe co visionado dunha curta sobre Principiño e cunhas actividades sobre ela. Despois, fixemos varios xogos en inglés. Resultáronnos moi divertidos e seguimos practicando a intercomunicación na lingua estranxeira. 

A media mañá fixemos un obradoiro de radio no centro. Gravamos un podcast sobre a educación emocional!

E, para rematar a mañá, tivemos un obradoiro de primeiros auxilios que impartiu o persoal da Cruz Vermella.

Despois de xantar, vimos unha curta sobre o cigarrón e deseñamos unhas bolsas de tea con esta figura. Ata puidemos ver un cigarrón vestido co seu traxe!! Foi moi emocionante!

Xa estamos na metade da experiencia e xa establecemos unha conexión moi enriquecedora!

Día 2 cos nosos novos compañeiros!

Comezamos a xornada cun obradoiro de lingua de signos. Aprendemos a presentarnos uns a outros mediante este sistema de comunicación e fixemos rolda de presentacións para seguirnos coñecendo.

A media mañá, asistimos ao ensaio do coro de profesorado do Chivite. Escoitamos dúas das cancións que están ensaiando para o musical que representarán a final de curso.

A continuación, antes do xantar, fixemos un obradoiro de pulseiras no que puidemos confeccionar varias para gardar de recordo.

Ao mediodía estaba organizada unha andaina ata o castelo de Monterrei e, ao chegar, fixemos picnic alí. Despois diso, realizamos unha visita guiada ao castelo e puidemos gozar das súas incribles vistas! Un día completo e moi divertido!

Chegou a visita de Draguignan!

Hoxe chegaron os nosos compañeiros e compañeiras do Collége Jean Rostand, de Draguignan. 

Recibímolos con moita ilusión e con enormes ganas de compartir esta nova experiencia!

Aquí tedes o fascinante programa de actividades!

Despois da súa longa viaxe, xantamos todos xuntos no instituto e pasamos a tarde fqcendo varios xogos que se organizaron no centro. Que boa maneira de coñecernos!

Día 5: última mañá en Portugal

 Chegou o venres e con el, remata esta aventura. Hoxe pola mañá almorzamos no hotel e fixemos as maletas.

O noso plan era subir ao mirador de Santa Lucía en funicular pero as condicións meteorolóxicas non nolo permitiron e tivemos que buscar un plan máis alternativo... O centro comercial de Viana do Castelo! Fixemos algunhas compriñas para levar de volta a casa e comemos no Mac Donalds!! Xa moi cansos, collemos o autobús de volta a Galicia.

Foi unha experiencia incrible e moi enriquecedora, voltamos a Galicia co corazón cheíño de Portugal!

Día 4: Viana do Castelo

 A aventura está chegando ao fin! Pero aínda seguimos cargados de enerxía. Onte pola mañá, despois de despedirnos do camping laranja-limao e do seu canciño Piloto, dirixímonos á escola do Freixo para acabar de gravar a nosa colaboración co club Comunica. Despedímonos dos nosos amigos portugueses e montamos nun bus que nos levaría ata Viana do Castelo

Xa en Viana, acomodámonos no novo hotel e fomos comer a un restaurante de comida portuguesa! Muito bom!

Pola tarde, estivemos no museo do traxe vianés e pareceunos moi interesante xa que atopamos moitas similitudes co traxe do cigarrón. Ao rematar, dirixímonos ao museo bargo Gil Eanes, e a verdade é que nos encantou! Estar dentro dun barco resultou ser moi emocionante.

Despois demos un paseo pola cidade e merendamos doces portugueses.

De volta xa no hotel, os máis valentes atrevéronse a ir correr con Belén. Finalmente e xa moi cansos, baixamos a cear uns bocadillos e volvemos ao hotel para descansar.

Día 3 no Freixo

 Bo día! Onte pola mañá, despois de alrmozar, dirixímonos ao colexio do Freixo para traballar toda a mañá co club Comunica. Dividímonos en grupos e traballamos diversas cousas: gravamos uns podcast debatendo sobre a autoimaxe que creamos do noso propio corpo e como nos inflúen as redes sociais.

Outro dos grupos traballaron a gravación dun poema, a análise dunha canción nun espazo coñecido dentro do xornal como o MP3, a gravación de noticias breves no apartado coñecido como o minuto e a gravación de noticias para o telexornal.

De tarde tivemos a oportunidade de facer unha camiñada dunhas dúas horas polos montes do Freixo acompañados polo profesor Sergio.

Como estabamos canso, fomos para o camping pero ao ver o parque multiaventuras o cansazo marchou e puxémonos a xogar toda a tarde.

Pola noite repetimos cea na pizzería e descansamos para o día próximo!! A aventura continúa!

 

Día 2 no Freixo

 Hoxe levantámonos e tiñamos un super almorzo preparado para nós! Estivemos un tempiño xogando cuns carricoches que hai no camping e logo emprendimos o camiño á escola.

Xa alí, fixemos as nosas primeiras medicións co sonómetro obtendo resultados moi curiosos.

Para xantar, hoxe tiñamos pasta con carne e unha peza de froita.

Coa barriga xa chea, participamos de novo no club de meteoroloxía, gravando os vídeos da predicación do tempo para mañá. Ao acabar fixos unha actividade teatral coa que botamos unhas risas.

Ao chegar ao camping, emprendimos unha aventura de exploración e descubrimos un parque multiaventura dentro do propio recinto! Foi xenial!!

Finalmente para cear unhas pizzas e para a cama que xa estamos cansos!! Boas noites 😘

Día 1 Freixo

 Esta mañá o noso equipo Erasmus, partiu cara ao Agrupamento de

Escolas do Freixo, onde nos esperaban os nosos colegas portugueses cos brazos abertos.

Unha vez que chegamos, recibiunos o equipo directivo e os profesores que nos acompañarán durante os próximos días: profesorado do club de robótica, do club de metereoloxía, o club de comunicación... Despois dunha breve presentación fixemos un percorrido polo colexio mostrándonos as aulas máis especiais deste centro educativo.

Como estabamos fametos, dirixímonos ao comedor onde tivemos a oportunidade de facer un xantar típico portugués acompañados dos nosos compañeiros lusos. A comida consistiu nunha crema de verduras e unha feixoada con arroz. 

Despois dun tempo libre no que tivemos oportunidade de coñecer aos nosos novos compañeiros, tivemos o pracer de participar nas actividades do club de meteoroloxía. Participamos na gravación de pequenos vídeos nos que tivemos que facer unha breve presentación sobre a situación meteorolóxica do Freixo e tamén a de Verín. Quedamos fascinados xa que os nenos portugueses que nos acompañaron e guiaron nesta aventura tiñan 10 anos e traballaban que daba gusto!!

Visitamos tamén o makerspace, unha aula de robótica na que tivemos o primeiro contacto coa programación do sonómetro. 

Como xa estabamos cansos, dirixímonos ao centro da vila para merendar nunha panadería típica portuguesa e paramos tamén a mercar unhas lambetadas para comer nas cabanas. 

Xa na hospedaxe laranjalimao, xogamos cuns triciclos e nun pequeno parque construído con madeira, así fixemos un pouco de fame para, máis tarde, ir a cear. 

Hoxe estamos todos cansos, seguro que imos durmir moi ben!! Até mañá!!