Un ano despois.........

 Hoxe fai un ano que iniciamos esta marabillosa aventura europea. Foi unha semana intensa, chea de boas experiencias e onde o lema do programa: sharing4caring se converteu na pedra angular de todas as  actividades.

Un ano despois queremos lembrar a semana do 2-7 de decembro de 2019 neste vídeo recopilatorio.

LEMBRANZA ERASMUS - REDES from Xesús Taboada chivite on Vimeo.

Greetings from Verín

 Algúns dos nosos estudantes Erasmus+ fixeron un vídeo no seu idioma saudando ós compañeiros do resto das escolas socias. Esta actividade é parte dun proxecto común que quede poñer de manifesto o plurilingüismo e a diversidade. Ánimo rapaces!!

Traballos virtuais: Unidos na diversidade

 Aínda que non podemos facer mobilidades aos distintos países, non estamos parados.

Aquí podedes ver como os estudantes finlandeses traballan pósters co lema do proxecto: Unidos na diversidade

Encontro virtual de coordinadores

 O día 14 de novembro tivemos un encontro virtual de coordinadores dos cinco países participantes para establecer un novo calendario de mobilidades que tiveron que ser interrompidas por mor da pandemia da COVID-19.

Agardamos poder retomar as mobilidades pendentes en canto a situación sanitaria mellore e se poida viaxar de xeito seguro.

Diario dos estudantes húngaros sobre a mobilidade en Verín

 Hungarian Diary about the Spanish mobility

Aquí podedes ver o profesorado e alumnado húngaro que nos enviou un estupendo diario da mobilidade en Verín

Día 7 de decembro: bágoas nos ollos, chega a despedida

E así concluía unha semana emocionante, ninguén quería marchar.....
Ata pronto! Vémonos en Italia no 2020!

Alumnado e familias antes de coller o bus de volta a Porto

Día 6 de decembro: Excursión a Santiago de Compostela e cea de despedida

No derradeiro día de actividades programadas non podíamos deixar de visitar Santiago de Compostela,  a súa magnífica catedral e as súas rúas con encanto. Foi un gran día!

5 de decembro: Tour polo castelo de Monterrei

Alumnado e profesorado Erasmus+ fixo unha andaina ata o castelo de Monterrei, onde realizaron un tour guiado.

5 de decembro: Proxección da longa "Hamada" dentro do festival internacional de curtas de Verín FIC VIA XIV

Para dar a coñecer o conflito do Sahara levamos ao alumnado a proxección da longa de Eloy Domínguez "Hamada" que conta a historia dun grupo de amigos que viven nun campamento de refuxiados en pleno deserto. Tralo visionado tivemos a oportunidade de asistir a unha charla-coloquio co director seguida dunha recepción polo tenente de alcalde Diego Lorenzo na Casa da Cultura.

5 de decembro: Festival de Eurovision

Como non podía ser menos nunha escola onde a música ocupa un lugar tan importante, celebramos un festival da canción con moitos premios. Con Lucía Rúa e Juan Manuel Cid como mestres de cerimonia, neste festival da canción gañou España!!!

5 de decembro. Escape Room na biblioteca

Coñecemos montas curiosidades de todos os países a través dun escape room organizado por Lucía Rúa. Que ben o pasamos!

4 de decembro: obradoiro de Cascabelas e outras actividades

A nosa excompañeira, Maika Burgos impartiu un obradoiro de "cascabelas", a figura femenina do cigarrón verinense para o profesorado estranxeiro. Foi todo un éxito Maika!

Entretanto o alumnado aproveitaba para facer excursions xuntos