Mercoledì a Leonardo Da Vinci

A mañá comeza coa clase de informática. Coa axuda do alumnado italiano, crean unha páxina web con información sobre os lugares que visitamos en Italia. Unha actividade moi interesante que mestura coñecementos informáticos e culturais, ademais de fomentar o traballo en equipo; o alumnado pensa que é unha clase moi útil! 

Despois, tivemos que programar un robot chamado e.Do, controlado co ordenador a través do wifi. Este robot imita un brazo e o alumnado estivo movendo unha bola dun punto a outro. 

Está sendo unha mañá moi interesante! Agora estamos probando gafas 3D con recursos adaptados á educación: de anatomía, historia.. Unha forma de consolidar aprendizaxes e comprender mellor algúns contidos máis abstractos. 

Logo, continuamos co obradoiro "how to program a robot" que comezamos onte. Nesta ocasión o alumnado afondou máis no seu funcionamento.

A última actividade no instituto foi unha práctica de laboratorio sobre bacterias. O alumnado averiguará que bacterias hai en cada un dos cultivos que lles entregan. Deberán deixalas ata mañá a unha temperatura alta para poder resolver esta prática.

Pola tarde, tivemos unha excursión na que compartirmos momentos con alumnas de español do instituto, profesoras e familias. Unha das cousas que máis nos gustou foi a Civita de Bagnoregio e o lago de Bolsena, o lago volcánico máis grande de Europa.