Bo día! Onte pola mañá, despois de alrmozar, dirixímonos ao colexio do Freixo para traballar toda a mañá co club Comunica. Dividímonos en grupos e traballamos diversas cousas: gravamos uns podcast debatendo sobre a autoimaxe que creamos do noso propio corpo e como nos inflúen as redes sociais.
Hoxe levantámonos e tiñamos un super almorzo preparado para nós! Estivemos un tempiño xogando cuns carricoches que hai no camping e logo emprendimos o camiño á escola.
Esta mañá o noso equipo Erasmus, partiu cara ao Agrupamento de
Unha vez que chegamos, recibiunos o equipo directivo e os profesores que nos acompañarán durante os próximos días: profesorado do club de robótica, do club de metereoloxía, o club de comunicación... Despois dunha breve presentación fixemos un percorrido polo colexio mostrándonos as aulas máis especiais deste centro educativo.
Como estabamos fametos, dirixímonos ao comedor onde tivemos a oportunidade de facer un xantar típico portugués acompañados dos nosos compañeiros lusos. A comida consistiu nunha crema de verduras e unha feixoada con arroz.
Despois dun tempo libre no que tivemos oportunidade de coñecer aos nosos novos compañeiros, tivemos o pracer de participar nas actividades do club de meteoroloxía. Participamos na gravación de pequenos vídeos nos que tivemos que facer unha breve presentación sobre a situación meteorolóxica do Freixo e tamén a de Verín. Quedamos fascinados xa que os nenos portugueses que nos acompañaron e guiaron nesta aventura tiñan 10 anos e traballaban que daba gusto!!
Visitamos tamén o makerspace, unha aula de robótica na que tivemos o primeiro contacto coa programación do sonómetro.
Como xa estabamos cansos, dirixímonos ao centro da vila para merendar nunha panadería típica portuguesa e paramos tamén a mercar unhas lambetadas para comer nas cabanas.
Xa na hospedaxe laranjalimao, xogamos cuns triciclos e nun pequeno parque construído con madeira, así fixemos un pouco de fame para, máis tarde, ir a cear.
Hoxe estamos todos cansos, seguro que imos durmir moi ben!! Até mañá!!
O noso proxecto faise real. Xa temos as datas da nosa mobilidade a Francia!!
A primeira videoconferencia con Laure Legrand and Aude Morino, as profesoras francesas coas que estamos a traballar
O pasado luns, día 29 de xaneiro tivemos a visita preparatoria para a mobilidade ó Agrupamento de Escolas do Freixo para desenvolver o noso proxecto de Contaminación Acústica. Dende a chegada a Viana do Castelo o día anterior, para ir preparando tamén a visita cultural que alí faremos ata a xornada de traballo na Escola, puidemos comprobar a forma de traballo no país luso, así como a profesionalidade que todo o equipo do Freixo demostrou en cada momento: cooperación, colaboración, bo facer e sempre abertos a visitas e a ensinar. Agraddecemos tamén a axuda de Xabier Garaloces, representando á empresa de software Hexagon, quen nos asesorou en todo momento da súa metodoloxía de traballo. Estamos moi agradecidas e agradecidos dende todo o equipo Erasmus do IES Xesús Taboada Chivite,e a semana que vén comezamos xa coa primeira videoconferencia para ir montando e programando os nosos sonómetros, ós que de seguro lle sacaremos moito proveito!
Na semana do 6 ao 10 de novembro tivemos con nós ao experto invitado húngaro Tibor Prievara, que impartiu varios obradoiros de gamificación.
Grazas a Tibor poidemos coñecer de primeira man en que consiste a gamificación e puxemos en práctica o seu sistema de puntos aloxado na plataforma Motimore.
Aquí podedes ver o programa
O día 6, despois da benvida oficial, agasallamos a Tibor cunha xantar basado en produtos típicos.
O martes día 7 impartiu o primeiro dos obradoiros sobre gamificación
O día 8 Tibor participou activamente nalgunhas clases para poñer en práctica o seu método:
E o día 9 puidemos poñer en práctica co seu método na plataforma Motimore:
E o último día o noso director, César Sánchez agasallouno co cigarrón, emblema do noso pobo.
Nesta ligazón podedes escoitar a entrevista que lle fixo a profesora de inglés, Alicia Sánchez en RadioChivite.
Durante o curso 2022-23 redactamos o noso Plan Erasmus+ e solicitamos a Acreditación que nos foi concedida en xaneiro do presente ano. Xa somos centro Erasmus+ Acreditado!!!
Que significa isto para o centro?
1) Ser centro acreditado Erasmus+ significa que se nos recoñece unha vasta experiencia internacional polo que, a Unión Europea, a través do programa Erasmus+ nos outorgou este recoñecemento.
2) Grazas a ser centro acreditado imos recibir financiación durante os próximos cinco anos, para participar en actividades de mobilidade, formación e innovación educativa con outros centros europeos.
3) Garantimos que o noso alumando poida realizar actividades de mobilidade para visitar e estudar noutros centros educativos e realizar proxectos innovadores con alumnado da mesma idade.
4) Poñemos en práctica os obxectivos do noso Plan Erasmus+
5) Facilitamos que o profesorado e persoal do centro poida formarse e realizar visitas de observación para mellorar a súa práctica docente.
Nesta infografía pode verse os obxectivos que pretendemos conseguir:
O proxecto está chegando ao seu fin e fai falta escribir o informe final para a nosa axencia nacional. Parte do día de hoxe estivo dedicado a traballar en equipo para concretar os aspectos a tratar.
Pero tamén quedou un anaco de tempo para desfrutar das relaxantes augas do spa.
Intenso día de traballo en Budapest. Comezamos o día coa visita á Szbó Lörinc Iskola de Budapest para empezar un aprendizaxe por observación nas clases de química e historia en inglés e tamén nas clases de inglés.
Fomos partícipes de como se ensina inglés aquí e tivemos a ocasión de asistir á clase do profesor de inglés experto en gamificación Tivor Prievara.
Pola tarde celebrouse o obradoiro internacional Erasmus+ onde os distintos países presentamos os programas que teñen éxito nos nosos centros. Para nós foi unha grade satisfacción o recibimento que tivo a nosa presentación sobre o noso programa de titoría entre iguais TEI.
