Experto invitado

 Na semana do 6 ao 10 de novembro tivemos con nós ao experto invitado húngaro Tibor Prievara, que impartiu varios obradoiros de gamificación.

Grazas a Tibor poidemos coñecer de primeira man en que consiste a gamificación e puxemos en práctica o seu sistema de puntos aloxado na plataforma Motimore.

Aquí podedes ver o programa 

 

O día 6, despois da benvida oficial, agasallamos a Tibor cunha xantar basado en produtos típicos.

 

 

O martes día 7 impartiu o primeiro dos obradoiros sobre gamificación

 

O día 8 Tibor participou activamente nalgunhas clases para poñer en práctica o seu método:

E o día 9 puidemos poñer en práctica co seu método na plataforma Motimore:

E o último día o noso director, César Sánchez agasallouno co cigarrón, emblema do noso pobo.

Nesta ligazón podedes escoitar a entrevista que lle fixo a profesora de inglés, Alicia Sánchez en RadioChivite.

Centro Acreditado Erasmus+

 Durante o curso 2022-23 redactamos o noso Plan Erasmus+ e solicitamos a Acreditación que nos foi concedida en xaneiro do presente ano. Xa somos centro Erasmus+ Acreditado!!!

Que significa isto para o centro?

1) Ser centro acreditado Erasmus+ significa que se nos recoñece unha vasta experiencia internacional polo que, a Unión Europea, a través do programa Erasmus+ nos outorgou este recoñecemento.

2) Grazas a ser centro acreditado imos recibir financiación durante os próximos cinco anos, para participar en actividades de mobilidade, formación e innovación educativa con outros centros europeos.

3) Garantimos que o noso alumando poida realizar actividades de mobilidade para visitar e estudar noutros centros educativos e realizar proxectos innovadores con alumnado da mesma idade.

4) Poñemos en práctica os obxectivos do noso Plan Erasmus+

5) Facilitamos que o profesorado e persoal do centro poida formarse e realizar visitas de observación para mellorar a súa práctica docente.

Nesta infografía pode verse os obxectivos que pretendemos conseguir:

Segundo día en Budapest: Final report

 O proxecto está chegando ao seu fin e fai falta escribir o informe final para a nosa axencia nacional. Parte do día de hoxe estivo dedicado a traballar en equipo para concretar os aspectos a tratar.

Pero tamén quedou un anaco de tempo para desfrutar das relaxantes augas do spa.

Staff meeting en Budapest

 Intenso día de traballo en Budapest. Comezamos o día coa visita á Szbó Lörinc Iskola de Budapest para empezar un aprendizaxe por observación nas clases de química e historia en inglés e tamén nas clases de  inglés.

 

Fomos partícipes de como se ensina inglés aquí e tivemos a ocasión de asistir á clase do profesor de inglés experto en gamificación Tivor Prievara.

Pola tarde celebrouse o obradoiro internacional Erasmus+ onde os distintos países presentamos os programas que teñen éxito nos nosos centros. Para nós foi unha grade satisfacción o recibimento que tivo a nosa presentación sobre o noso programa de titoría entre iguais TEI.

Día 1 de maio: Fin das mobilidades de alumnado

 E hoxe púxose fin as mobilidades de alumnado do programa Erasmus+KA229 Sharing4Caring. A pandemia fixo que tiveramos que adiar as mobilidades para este curso académico pero pagou a pena. Esperamos que o percorrido feito por todos os que participamos nas mobilidades nos sirva para concienciarnos aínda máis sobre a importancia deste espazo europeo de educación permanente e para darnos conta de que todos somos e facemos Europa. Longa vida ó Erasmus+!

 

 

Día 30 de abril: chegou o momento da despedida

 Moitas emocións vividas, momento máxicos difíciles de esquecer...a mobilidade finlandesa chega ó seu fin pero o noso alumnado e profesorado Erasmus+ ven coa mochila cargada de experiencias inesquecibles. Pero antes de abandonar Finlandia hoxe toca pasar o día en Helsink, visitar o museo de ciencia Eureka e celebrar o Vappu, a gran festa para celebrar a chegada da primavera. No día de hoxe os fineses sacan as súas gorras brancas de graduación e enchen os parques da cidade.

Tradicións coma a da "coroación" da estatua de Havis Amanda, un dos monumentos máis coñecidos da cidade, por parte dos estudantes e o ambiente festivo da capital finesa puido ser desfrutado polos nosos Erasmus+. Que sorte tiveron!