Despedida de Arthur

 

E hoxe despedimos a Arthur Baudouin, o alumno do College Jean Rostand que estivo estudando no Chivite.

Arthur, we will miss you!! Merci pour tous les bons moments et ton sourire. Tu vas nous manquer !

Job shadowing sobre inclusión

 Esta semana foi a profesora Tatiana Lethier a que quixo coñecer o noso centro para ver como traballamos coa inclusión.
Aquí podedes ver o programa que lle preparamos para o seu job shadowing

 

Ata pronto Budapest!!

 E así foi como chegou o último día e houbo que despedirse.

Durante a súa estadía, as nosas alumnas puideron coñecer boas prácticas educativas, participar en actividades formativas e achegarse á cultura húngara, compartindo ideas e experiencias con docentes e estudantes locais.

Cada mobilidade ofreceu unha perspectiva diferente, mais todas coincidiron nun mesmo obxectivo: aprender, inspirarse e fortalecer a cooperación internacional no marco do programa Erasmus+.

As persoas participantes destacaron a acollida calorosa do equipo anfitrión, a riqueza cultural da cidade e a importancia do intercambio europeo para o crecemento profesional e persoal.

Budapest deixou unha fonda pegada en todas elas e reforzou o noso compromiso de seguir promovendo novas oportunidades de mobilidade e aprendizaxe

Se queredes saber máis do que fixeron Marina, Lara e Uxía aquí podes ler os seus blogs:

 

https://marinariverocastro.blogspot.com/

https://larafdezzzz.blogspot.com/

https://casivivindoenbudapest.blogspot.com/

 

Actividades non stop

 E aquí podedes ver un resumo de parte do que fixeron Lara, Marina e Uxía en Budapest!! Unha gran oportunidade e un gran aprendizaxe!!

 

Erasmus Days

 

Hoxe foi o día de continuar coa observación  e de participar na celebración dos Erasmus Days no noso centro.

Por suposto houbo tempo de lecer no pincho xoves!!

 

 

Job shadowing Innovative Learning

 Na semana do 15 ao 17 de outubro recibimos a visita de Malik Boutekka, vicedirector do College Jean Rostand de Draguignan, que quería coñecer de primeira man o funcionamento do noso centro.

Aquí podedes ver as actividades do primeiro día 

 

 

Recibimos a Arthur Baudoin

 Hoxe tivemos o pracer de recibir a Arthur Baudoin, alumno do College Jean Rostand de Draguignan que vai facer unha mobilidade individual Erasmus+ no centro e convivindo con Miguel Gómez, de 1º de bacharelato.

 

Primeiros días en Budapest

 Xa están as nosas alumnas, Uxía, Lara e Marina dispostas a desfrutar da súa estadía no instituto de Budapest

 

Primeiro día no Collége Jean Rostand

 

Primeiro día no instituto Jean Rostand de Draguignan para Miguel Gómez de 1º de bacharelato.

Hoxe, Miguel viviu unha nova experiencia no seu segundo día no instituto Jean Rostand de Draguignan. Asistiu ás súas primeiras clases, onde comezou a coñecer o funcionamento do centro e o ritmo académico. Ademais, coñeceu ao seu partner, Arthur, con quen compartirá actividades e experiencias ao longo da súa estadía. Un paso máis na súa integración e adaptación a esta nova etapa!

 

Aquí podedes ler o blog de Miguel e a súa aventura francesa:

 

https://migueldraguignan.blogspot.com/?m=1

 

 

Benvida a Menna, Fanni e Szonja

 

Hoxe demos a benvida oficial ás nosas novas alumnas húngaras, Menna, Szonja e Fanni, que nos acompañarán durante a súa estadía Erasmus+.

A xornada comezou cun acto de recepción a cargo do noso director, quen lles dedicou unhas cálidas palabras de benvida e lles presentou o noso centro.

Despois, compartimos un xantar na sala dual, onde puideron coñecer de maneira máis próxima ao profesorado que as acompañará nas súas clases durante estas semanas.

Estamos moi contentos de contar con elas e agardamos que esta experiencia sexa enriquecedora tanto a nivel académico como persoal.

Que sexa o inicio dunha gran aventura de aprendizaxe e amizade!

A aventura chegou ó seu fin

 No última día do curso fixemos un repaso das aplicacións.

Creamos estaa canción grupal con Suno.

AI Waves & Europass Days (Afro version) by SensoryAwards6451 | Suno

Esta outra está baseada na miña experiencia. https://suno.com/s/RhGILQXVvJWgCRQp

Tamén falamos da ética da IA e da súa aplicación en centros concretos, vimos o exemplo dun centro na China no que a IA está completamente integrada no día a día.

A continuación recibimos os nosos diplomas.

Ó rematar disfrutamos dunha típica comida maltesa.

Tamén tivemos a sorte de coñecer lugares como a Blue Grotto.

O curso chegou ó seu fin, pronto levaremos a práctica nas aulas todo o aprendido.

Foi unha experiencia inolvidable, da que todos levamos moi bos recordos.

Gamificación

No cuarto día do curso aprendemos a traballar con aplicacións de gamificación, para facer as nosas clases máis amenas.

Creamos cuestionarios similares a Kahoot en apenas uns minutos, para o que empregamos Conker e QuizzGecko. Logo puxemos a proba ós nosos compañeiros sobre a historia de La Valeta e Mdina.

Tamén tivemos a oportunidade de probar Snorkl e Baugarten, este último cun aspecto similar ós videoxogos, pero empregado para aprender inglés ou matemáticas.

Por último, aprendemos a crear chats con Mizu como axuda para resolver as dúbidas dos nosos estudantes e que eles mesmos sexan quen de avaliarse.

Ecuador do curso: creación de diapositivas, audios e vídeos con IA. Visita a Mdina e Rabat.

No terceiro día do curso comezamos empregando distintas aplicacións para crear diapositivas: Gamma, Slidesgo, Slides AI, Canva e Google slides.

Tamén empregamos distintas aplicacións para a creación de audio: NotebooKLM e Suno. No seguinte enlace podedes escoitar unha canción creada para que os estudantes aprendan sobre electricidade: https://suno.com/s/dScXdJbb8KGQ0vfX

Para finalizar aprendemos a crear vídeos con Synthesia e Lumen5.

Foi unha clase moi produtiva.

Tras rematar a clase o centro deunos a posibilidade de ir ata Mdina (antiga capital de Malta). Aproveitamos tamén para coñecer a cercana Rabat. Dúas cidades que merecen a pena ser vista.

Podemos decir que Galicia está moi presente en Malta e que todos os camiños levan a (Roma?) Santiago!!

Creando imaxes con IA e recorrendo La Valeta

Comezamos o segundo día do curso traballando en pequenos grupos. Cada grupo elixiu unha temática, a partir do mesmo prompt comparamos o resultado en distintas aplicacións. No noso caso eliximos a temática “Computer Science” e analizamos os resultados obtidos en “Copilot”, “Perplexity” e “Julius”. É curioso ver que dependendo da temática é máis conveniente unha aplicación ca outra. No noso caso obtivemos mellores resultados con “Copilot”.

Continuamos cun Kahoot no cal debiamos distinguir entre imaxes reais ou creadas con IA.

A continuación, analizamos as características que definen unha imaxe creada con IA, aínda que cada vez é máis complicado diferencialas.

Tamén comparamos varias aplicacións para planificar unidades didácticas.

Tras as clases realizamos unha visita guiada por La Valeta. Como curiosidade destacar que nun dos monumentos que nos mostrou o guía hai referencia a Galicia, xa que está a famosa vieira símbolo do camiño de Santiago.

En Valeta tamén hai vistas moi fermosas e edificios impresionantes.

Para rematar o día probamos cervexa típica maltesa.