Verín-Titu Welcome Liceul Teoretic Iancu C. Vissarion

 Liceul Teoretic Iancu C. Vissarion is here in Verín

 

Unha experiencia inesquecible

 

Chloe, Lecia e Iris están a vivir unha experiencia única en Budapest grazas ás mobilidades individuais de longa duración do programa Erasmus+. Durante a súa estadía en Hungría, teñen a oportunidade de integrarse na vida cotiá dun centro educativo doutro país europeo, coñecer novas formas de aprender e ensinar e descubrir unha cultura diferente desde dentro.

Esta experiencia vai moito máis alá das aulas. Ao convivir con familias de acollida e compartir o día a día co alumnado húngaro, as tres estudantes están a mellorar as súas competencias lingüísticas, a gañar autonomía e confianza e a desenvolver habilidades sociais e interculturais fundamentais para o seu futuro.

A súa estancia en Budapest tamén lles permite establecer novas amizades, descubrir tradicións e costumes diferentes e comprender mellor a diversidade cultural que caracteriza Europa. Cada xornada convértese nunha oportunidade para aprender, superar retos e medrar tanto a nivel académico como persoal.

As mobilidades individuais de longa duración representan unha das experiencias máis enriquecedoras do programa Erasmus+, xa que favorecen unha aprendizaxe profunda, baseada na convivencia, na comunicación e na apertura a outras realidades.

Desde o noso centro, seguimos apostando pola internacionalización da educación e por ofrecer ao alumnado oportunidades que amplíen os seus horizontes e contribúan á súa formación como cidadás europeas.

Budapest xa forma parte da súa historia, e esta aventura Erasmus+ deixará, sen dúbida, unha pegada inesquecible nas súas vidas.

🇪🇺 Learning together, growing together, building our European future!

 

 

 

 

Primeiro día en Budapest

 Chloé, Iris e Lecia xa chegaron a Budapest para comezar a súa mobilidade individal de longa duración. Budapest here we go!!!

 

Toca voltar…

 Hoxe tocou madrugar para voltar á terriña, cun pouco de mágoa, como ben se aprecia nas caras dos rapaces, pero coas mochilas cargadas de momentos únicos.

Último día en Oradea

 No noso último día de Erasmus fomos á sección rural da nosa escola. Foi unha experiencia maravillosa! Coñecimos a novos alumnos e profesores que nos acolleron dunha maneira moi cercana. 

Primeiro, asistimos a unha clase de Xeografía na que dunha forma interactiva e dixital, repasamos os países e capitais de Europa. 

Despois, disfrutamos dun pequeno almorzo todos xuntos, para coller forzas para a gymkana que lles esperaba a continuación. Divididos en grupos, debían realizar diferentes actividades relacionadas co folclore e as culturas húngara, rumana e española. 

Ó terminar, tocou un pouco de deporte. Os rapaces xogaron un partido de fútbol contra un grupo de rapaces da escola. Non faltou animación a ambos equipos!

Antes de irnos, deleitáronnos con un espectáculo de sombras, con música tradicional e bailes. Asimismo, fixéronnos entrega dos diplomas acreditativos do noso programa.

Pero isto non remata aquí…Pola tarde asistimos a un entretido musical en húngaro para pechar esta experiencia. 

3º DÍA EN ORADEA

Hoxe comezamos o día con moita ilusión, xa que tocaba asistir a unha actividade inclusiva con cans ó aire libre. Os nosos alumnos tiveron a oportunidade, ademais, de comprobar a utilidade terapéutica destes animais para rapaces con necesidades especiais. 

Tamén fomos convidados a uns deliciosos xeados húngaros.

SEGUNDO DÍA

Hoxe contamos coa charla dunha invitada ó centro experta en IA, uso de móbiles… que nos ocupó gran parte da mañá.  

E pola tarde, antes de que os rapaces disfrutasen do Aquapark, estivemos visitando o patrimonio da cidade, nomeadamente a Turnul Primăriei Oradea e Darvas- La Roche House.

XA ESTAMOS AQUÍ

LUNS 

Despois dunha longa viaxe…Comezamos o primeiro día de mobilidade no centro de Oradea: Scoala Gimnaziala “Szacsvay Imre”.

Logo de coñecer as instalacións, os rapaces están disfrutando dunha clase de Xeografía. 

E tamén traballan matemáticas a través de programas como Scratch, Blockly Games...

Pola tarde, visitamos unha catedral- basílica católica moi coñecida (Catedrala romano-catolică Adormirea Maicii Domnului).

Preparando a Mobilidade a Oradea

 Para comezar:

Foto de grupo 

Un día inesquecible entre covas e natureza en Eslovaquia

 

Hoxe vivimos unha das xornadas máis completas e especiais da nosa experiencia Erasmus. Pola mañá desprazámonos ata a espectacular Demänovská jaskyňa slobody, considerada a cova máis visitada de Eslovaquia e un dos seus maiores tesouros naturais. Ao chegar, xa quedamos abraiadas coa paisaxe dos arredores, que estaban completamente nevados, creando unha estampa invernal impresionante e digna de postal.

Durante a visita, tivemos a oportunidade de adentrarnos nun mundo subterráneo fascinante, cheo de impresionantes formacións de estalactitas e estalagmitas, así como pequenos lagos de augas cristalinas que creaban unha paisaxe máxica. O percorrido, que incluíu nada menos que 913 escalóns, puxo a proba a nosa resistencia, pero tamén fixo que a experiencia fose aínda máis emocionante e gratificante.

Ao rematar a visita e xa de regreso, o autobús fixo unha parada nunha preciosa cascada situada en plena natureza. Alí puidemos descansar, respirar aire puro e desfrutar dun momento de calma, aproveitando tamén para facer fotografías e compartir impresións sobre todo o vivido ao longo do día.

Pola tarde, as estudantes tiveron tempo libre para pasar os seus últimos momentos coas familias de acollida. Foi unha oportunidade perfecta para reforzar os lazos creados durante a estancia, intercambiar recordos e comezar a despedirse dunha experiencia que, sen dúbida, deixará unha pegada inesquecible en todas elas.

Moitas grazas por todo! En dúas semanas vémonos de novo 🇸🇰🇪🇸